ශ්‍රී ලංකා යුද හමුදා පශු සම්පත් බලකා කඳවුරේ අවි ගබඩාවෙන් අතුරුදන් වූ ටී 56 ගිනි අවිය එම කඳවුරේ නිලධාරියෙකුගේ බටපොල නිවසේ තිබියදී හමු වී තිබේ.
සැකකාර හමුදා නිලධාරියා විසින් මෙම ගිනි අවිය සොරාගෙන මෙලෙස නිවසේ ගස් බෙනයක සඟවා තිබියදී සොයාගත් බවයි යුධ හමුදාව පැවසුවේ.
මෙම සිද්ධිය සම්බන්ධයෙන් සිදු කළ වැඩිදුර විමර්ශනයේදී අනාවරණය වී ඇත්තේ මොහු කඳවුරේ අවි ගබඩාව මුද්‍රා තැබීමට සූදානම් වූ අවස්ථාවේ මෙම ගිනි අවිය සොරාගෙන ඇති බවයි.