කොටි සාමාජිකයින්ගේ අවි ගබඩා හා රත්තරන් වළලා ඇති බවට ලද තොරතුරක් මත වවුනියාවේ ආරක්ෂක අංශ ඊයේ (12) එම ස්ථාන තුනේ කැණීම් කටයුතු ආරම්භ කර තිබෙනවා.
ඒ වවුනියාව පූවරසන්කුලම අලුත්කෝවිල්කුලම ප්‍රදේශයේ ස්ථාන තුනක දීයි.
යුද සමයේදී කඳවුරු ඉවත් කොට වෙනත් ස්ථාන වලට යාමේදී ඔවුන් සතු අවි ආයුධ හා රත්තරන් තොග මේ ස්ථාන වල වළ දැමූ බවට කොටි සංවිධානයේ හිටපු සාමාජිකයෙකු විසින් ලබා දුන් තොරතුරකට අනුවයි මේ ස්ථාන තුනේ කැණීම් කටයුතු ආරම්භ කළේ.
පූවරසන්කුලම පොලිසිය විසින් වවුනියාව මහේස්ත්‍රාත් වසීම් අහමඩ් වෙත ඉදිරිපත් කරණ ලද වාර්තාවකට අනුව එම ස්ථාන වල කැණීම් කටයුතු සිදු කිරීම පිණිස අධිකරණ නියෝගයක් ලබා ගෙන තිබුණා.