කොළඹ කොටුව මහේස්ත්‍රාත් අධිකරණයේ රෙජිස්ටාර්වරිය අපරාධ පරීක්ෂණ දෙපාර්තමේන්තුව විසින් ඊයේ (13) රාත්‍රියේ අත්අඩංගුවට ගෙන තිබෙනවා.
ඒ, එම මහේස්ත්‍රාත් අධිකරණයෙන් පවා තිබූ ගුවන් ගමන් තහනමක් ඉවත් කළ බවට ව්‍යාජ ලේඛණයක් සකස් කිරීම සම්බන්ධයෙන්.
කොළඹ කොටුව මහේස්ත්‍රාත් අධිකරණයෙන් පුද්ගලයෙකුට පනවා තිබූ ගුවන් ගමන් තහනම ඉවත් කිරීමට මහේත්‍රාත්වරයා නියෝගයක් නිකුත් කළ බවට සඳහන් කරමින් සැකකාරිය විසින් අදාළ ව්‍යාජ ලේඛණය සකසා තිබෙනවා.
කොටුව මහේස්ත්‍රාත්වරයා මේ සම්බන්ධයෙන් අපරාධ පරීක්ෂණ දෙපාර්තමේන්තුවට සිදුකළ පැමිණිල්ලකට අනුව මෙම අත්අඩංගුවට ගැනීම සිදුකර ඇති බවයි වාර්තා වුණේ.