2028 වසරේ අමෙරිකාවේ ලොස් ඇන්ජලීස්හි පැවැත්වෙන ඔලිම්පික් ක්‍රීඩා උළෙල සඳහා ක්‍රිකට් ක්‍රීඩාව එක් කිරීමට නිල අනුමැතිය හිමිව තිබේ.
ජාත්‍යන්තර ක්‍රිකට් කවුන්සිලය සඳහන් කළේ අද (16) රැස්වූ ජාත්‍යන්තර ඔලිම්පික් කමිටුව විසින් ඒ සඳහා නිල අනුමැතිය ලබාදී ඇති බවයි.
ඒ අනුව ඔලිම්පික් ක්‍රීඩා උළෙල ආරම්භයෙන් පසුව පළමුවරට ඒ සඳහා ක්‍රිකට් ක්‍රීඩාව එක්වීම 2028 වසරේදී සිදුවනු ඇති.
ක්‍රීඩා විචාරකයින් පෙන්වා දෙන්නේ ඔලිම්පික් ක්‍රීඩා උළෙල පැවැත්වෙන කාලසීමාව තුළ රූපවාහිනී සහ ඩිජිටල් මාධ්‍යයන් හරහා බිලියන 3කට අධික ප්‍රේක්ෂක පිරිසක් ඒ වටා එක්වී සිටින අතර ඒ සඳහා ක්‍රිකට් ක්‍රීඩාවද ඇතුළත් වීම තුළ 2028 ඔලිම්පික් ක්‍රීඩා උළෙල සඳහා වැඩි ආකර්ෂණයක් හිමිවනු ඇති බවයි.