කොළඹ මහේස්ත්‍රාත් අධිකරණයේ අංක 02 අධිකරණයේ නඩු භාණ්ඩ ලෙස තැන්පත් කර තිබූ කිලෝග්‍රෑම් 08ක් බර තඹ කම්බි රෝල් තුනක් රැගෙන අධිකරණ පරිශ්‍රයේ ප්‍රධාන ගේට්ටුවෙන් පැනයාමට තැත්කළ අයෙක් ලබන 31 වැනිදා තෙක් රක්ෂිත බන්ධනාගාර ගත කරන ලෙස කොළඹ ප්‍රධාන මහේස්ත්‍රාත්වරයා අද (20) නියෝග කළා.
මෙලෙස රක්ෂිත බන්ධනාගාර ගත කරනු ලැබුවේ ගෝතමී පාර, බොරැල්ල, පදිංචි බෙනඩික් ඇන්තනි නොහොත් ‘රන්මල්ලී’ නමැති අයෙක්.
සැකකරු ඔහුගේ බිරිඳට ඇප තැබීමට අධිකරණයට පැමිණ ඇති අවස්ථාවේදී මෙම සිදුවීම සිදුවී තිබෙනවා.
සැකකරු ඊයේ සවස කොළඹ ප්‍රධාන මහේස්ත්‍රාත් අධිකරණයේ ප්‍රධාන ගේට්ටුව අසලදී පොලීසිය විසින් අත්අඩංගුවට ගනු ලැබුවේ තඹ කම්බි රෝල් සහිත පොහොර උරයක් රැගෙන පලායෑමට තැත් කිරීමේදීයි.