මින්නේරිය හබරණ ප්‍රදේශයේ 38 වන සැතපුම් කණුව අසන්නේ කාන්තාවක් වමනේ දැමීමට හිස එළියට දැමිමේ දී ඉදිරියෙන් පැමිණි ලෝරි රථයක ගැටී බරපතළ තුවාල ලබා එම කාන්තාව මියගොස් තිබෙනවා.
බරපතළ තුවාල ලබා සිටි මෙම කාන්තාව පොළොන්නරුව මහ රෝහලට ඇතුළත් කිරීමෙන් පසුව මියගොස් ඇති බවයි සඳහන් වන්නේ.
කතරගම සිට අනුරාධපුර දක්වා ගමන් ගත් ලංගම බස් රථයක ගමන් කරන අතරතුර මෙම අනතුර සිදු ව තිබෙන්නේ.
මියගිය කාන්තාවගේ අනන්‍යතාවය මෙතෙක් අනාවරණය වී නොමැති බවයි පොලිසිය පැවසුවේ.