ඊශ්‍රායලය එල්ල කළ ප්‍රහාරවලින් ප්‍රාණ ඇපකරුවන් 50 දෙනෙකු මියගොස් ඇති බව හමාස් සටන්කාමීන් පවසයි.
විදෙස් මාධ්‍ය පවසන්නේ එක්සත් ජනපදය සහ ඊශ්‍රායලය අතර ප්‍රාණ ඇපකරුවන් නිදහස් කිරීම සඳහා සාකච්ඡා පැවැත්වෙන අවස්ථාවකදී හමාස් සංවිධානය විසින් මෙම ප්‍රකාශය සිදු කර ඇති බවයි.
නමුත් අමෙරිකානු බලධාරීන් පවසන්නේ අනෙක් පාර්ශ්ව නොමඟ යැවීම සඳහා හමාස් සංවිධානය මෙවැනි පුවත් ප්‍රචාරය කරන බවයි.
ඔක්තෝබර් 07 වනදා හමාස් සටන්කරුවන් සිදුකළ ආක්‍රමණය අතරතුරදී ඊශ්‍රායලයේ සිටි 220කට අධික පිරිසක් පැහැර ගැනීමට හමාස් සටන්කරුවන් කටයුතු කළේය.
එලෙස පැහැරගත් පිරිස ගාසා තීරයේ ඇති උමං තුළ රඳවා ඇති බවයි විදෙස් මාධ්‍ය වාර්තා කරන්නේ.