බීමතින් රිය පැදවීම නිසා පොලිසිය විසින් ඔහුගේ රිය නතර කළ විට, පොලිසිය සමග බහින්බස් වූ දිඹුලාගල ප්‍රාදේශීය සභාවේ පොහොට්ටු පක්ෂ අපේක්ෂක කුෂාන් උමයංගන පොලිස් අත් අඩංගුවට ගෙන තිබෙනවා.
මෙම සැකකරු විසින් පොලිසියට පහර දී ඇති බවට ද චෝදනා එල්ල වී ඇති බවයි වාර්තා වන්නේ.
එම බහින්බස්වීම අතරතුර පොලිසිය තමන්ට පහර දුන් බවත්, වෛද්‍ය පරීක්ෂණ සඳහා රෝහලට ඇතුළත් කරන ලෙස බලකරමින් බලහත්කාරයෙන් රෝහලට සැකකරු ගිය බවයි අප ප්‍රාදේශීය වාර්තාකරු සඳහන් කළේ.
බීමතින් රිය පැදවූයේ නැති බවට, මෙම සැකකරු විසින් දිගින් දිගටම ප්‍රකාශ කරනු ලැබුව ද, රෝහලේ දී සිදුකළ පරීක්‍ෂණවල දී හෙළි ව ඇත්තේ ඔහු මත්පැන් පානය කර ඇති බවටයි.
සිද්ධිය සම්බන්ධයෙන් පුළුල් විමර්ශන සඳහා අත් අඩංගුවට ගත් සැකකාර පොහොට්ටු අපේක්ෂකයා තවදුරටත් පොලිස් භාරයේ රඳවාගෙන තිබෙනවා.