― political ―

අද සමාජය සෑම අතකින්ම බෙදිලා තියෙන්නේ – සජිත්

අප සමාජය ආර්ථිකව, සමාජීයව, ආදායම් ඉපැයීමේ මාර්ගවලින්, නැති බැරි ඇති හැකි ලෙස සෑම අතකින්ම බෙදී ඇති බව විපක්ෂ නායක සජිත් ප්‍රේමදාස පවසනවා. විපක්ෂ නායකවරයා මේ...
HomeHot Newsඌව පළාතේ රජයේ වෛද්‍යවරුන් අද වර්ජනයක

ඌව පළාතේ රජයේ වෛද්‍යවරුන් අද වර්ජනයක

ඌව පළාත තුළ පැය 24ක සංකේත වැඩ වර්ජනයක් ක්‍රියාත්මක කරන බව රජයේ වෛද්‍ය නිලධාරීන්ගේ සංගමය පවසනවා.

ඒ අනුව අද (02) පෙරවරු 08.00 සිට මෙම වැඩ වර්ජනය ක්‍රියාත්මක බවයි එම සංගමය සඳහන් කළේ.

දිවයින පුරා පිහිටි සියලුම රජයේ රෝහල් ආවරණය කරමින් සංකේත වැඩ වර්ජනයක් ක්‍රියාත්මක කිරීමේ පළමු පියවර ලෙස ඌව පළාත තුළ මෙම වැඩ වර්ජනය ක්‍රියාත්මක කෙරෙනවා.

සෞඛ්‍ය පද්ධතියේ බිඳ වැටීම වළක්වා ගැනීම වෙනුවෙන් වෛද්‍යවරුන් රට තුළ රඳවා ගැනීමට රජය අපොහොසත් වීමට ඇතුළු තවත් ගැටළු කිහිපයක් මුල් කරගනිමින් මෙම වර්ජනය ක්‍රියාත්මක කරන බවයි රජයේ වෛද්‍ය නිලධාරීන්ගේ සංගමය පැවසුවේ.

මේ අතර රජයේ සියලු විශ්වවිද්‍යාලවල සංකේත වැඩ වර්ජනයක නිරතවන බව විශ්වවිද්‍යාල ආචාර්ය සමිති සම්මේලනය පවසනවා.

එම සම්මේලනය සඳහන් කළේ වැටුප් ගැටලුව, රාජ්‍ය විශ්වවිද්‍යාලවලට ලබාදෙන අරමුදල් කප්පාදු කිරීම ඇතුළු ගැටළු කිහිපයකට විසඳුම් ලබාගැනීම මෙම වර්ජනයේ අරමුණ වී ඇති බවයි.