ජනාධිපති රනිල් වික්‍රමසිංහ මහතා ගමන් ගත් හෙලිකොප්ටර් යානය අද පස්වරුවේ දී හදිසියේම වැල්ලවාය බුදුරුවාගල පාසලේ ක්‍රීඩාංගණය වෙත ගොඩ බස්සවා තිබෙනවා.
වැලිමඩ ප්‍රදේශය දක්වා ගමන් කරමින් සිටි රනිල් වික්‍රමසිංහ මහතා ප්‍රදේශයේ පැවති අයහපත් කාලගුණය තත්ත්වය මත ගුවනින් ගමන් කිරීමට නොහැකි වීම හෙථුවෙනුයි හදිසියේ මෙම ගොඩ බැස්සවීම සිදු කර ඇත්තේ.
නොසිතූ මොහොතක සිදු වූ හෙලිකොප්ටර් ගොඩ බැස්සවීම පාසලේ සිටි පිරිසට ද අපූරු අත්දැකීමක් වූ අතර පසුව වෙනත් වාහනයක් ගෙන්වාගෙන ජනාධිපතිවරයා එම ස්ථානයෙන් පිටව ගොස් තිබෙනවා.
එම වාහනය පැමිණෙන තෙක් ජනාධිපති රනිල් වික්‍රමසිංහ මහතා බුදුරුවාගල විද්‍යාලයේ රැඳී සිටි ඇති බවයි අප වාර්තාකරු සඳහන් කළේ