වවුනියාව, වේලන්කුලම් ප්‍රදේශයේ පවත්වාගෙන ගිය නීතිවිරෝධී මත්පැන් නිෂ්පාදනාගාරයක් වටලා 05 දෙනෙක් අත්අඩංගුවට ගත් බව වවුනියාව පොලීසිය පවසයි.
වව්නියාව, පූවරසන්කුලම් පොලිසියට ලද තොරතුරක් මත වේලන්කුලම් ප්‍රදේශයේ සිදුකළ වැටලීමකදීයි මෙම මත්පැන් නිෂ්පාදනාගාරය වටලා ඇත්තේ.
එහිදී පුද්ගලයින් 05 දෙනෙකු අත්අඩංගුවට ගෙන ඇති අතර එහිදී දේශීය තුවක්කු දෙකක්, මත්පැන් මිලිලීටර් 52,500ක් සහ ගෝඩා ලීටර් 1800ක් අත්අඩංගුවට ගත් බව පොලීසිය පවසයි.
සැකකරුවන් අද වවුනියාව මහේස්ත්‍රාත් අධිකරණයට ඉදිරිපත් කිරීමට නියමිතයි.
