ග්‍රෑන්ඩ්පාස් – වෙහෙරගොඩ කනිෂ්ඨ විද්‍යාලයේ ජල නල සවිකර තිබූ අඩි 6 ක් පමණ උසින් යුත් කොන්ක්‍රීට් කොටසක් පෙරළීමෙන් සිසුවියක් ජිවිතක්ෂයට පත්ව තිබෙනවා.
අද (15) පෙරවරුවේ සිදු වූ මෙම අනතුරින් තුවාල ලැබු 6 දෙනෙකු රෝහල්ගත කර ඇති අතර එහිදී එක් දැරියක් ජීවිතක්ෂයට පත්ව ඇති බවයි පොලීසිය පවසන්නේ.
මෙලෙස මියගොස් ඇත්තේ වැල්ලම්පිටියේ පදිංචි ෂෙහන්සා නිත්සරණි නමැති 6 හැවිරිදි දැරියක්.
පළමු ශ්‍රේණියේ ඉගෙනුම ලබන අවුරුදු 6ක් වයසැති පිරිමි ළමයි 4 දෙනෙකු සහ ගැහැණු ළමයින් දෙදෙනකු මෙලෙස තුවාල ලබා තිබූ බවයි අප වාර්තාකරු සඳහන් කළේ.
තුවාල ලැබූ දරුවන්ගෙන් 5 දෙනෙකු කොළඹ ජාතික රෝහල වෙත සහ එක් අයෙකු ළමා රෝහල වෙත ඇතුළත් කර තිබෙනවා.
සිද්ධිය සම්බන්ධයෙන් ග්‍රෑන්ඩ්පාස් පොලිසිය වැඩිදුර පරීක්ෂණ සිදු කරනු ලබනවා.
