පාසල් ගුරුවරයෙකු තම ශිෂ්‍යාවන්ට ජංගම දුරකථනය ඔස්සේ කෙටි පණිවුඩ යවමින් ඔවුන්ව ලිංගික ක්‍රියාකාරකම්වලට පොළඹවා ගැනීමට උත්සාහ දැරීමේ පුවතක් මුලතිව්, තුනුකායි ප්‍රදේශයෙන් වාර්තා වනවා.
ගුරුවරයා විසින් අසභ්‍ය පණුවුඩ යැවූ ශිෂ්‍යාවන්ගේ දෙමාපියන් මේ පිළිබඳව ඊයේ (15) විදුහල්පතිවරයා දැනුවත් කර තිබෙනවා.
එහිදී විදුහල්පතිවරයා දැරියන්ගේ දෙමව්පියන්ට පවසා ඇත්තේ මේ සම්බන්ධයෙන් පළාතේ ඉහළ අධ්‍යාපන බලධාරීන් දැනුවත් කොට ඉතා ඉක්මනින් විසඳුමක් ලබා දෙන බවයි.
ගුරුවරයා ජංගම දුරකථන මඟින් ඉගැන්වීම සිදු කළ කාලවකවානුවේදී මේ ක්‍රියාව ආරම්භ කර ඇති අතර ඔහුගේ උපකාරක පන්තිවලට සහභාගී වන ශිෂ්‍යාවන්ට අනවශ්‍ය ආකාරයෙන් බලපෑම් කරන බවයි දෙමව්පියන් විදුහල්පතිවරයා හමුවේ පවසා ඇත්තේ.