මධ්‍යම කඳුකරයේ ජල පෝෂක ප්‍රදේශවලට ඇදහැලෙන අධික වර්ෂාවත් සමඟ වික්ටෝරියා ජලාශයේ ජල ධාරිතාව ඉක්මවා ගොස් තිබෙනවා.
එම නිසා වික්ටෝරියා ජලාශයේ වාන් දොරටු දෙකක් ඊයේ (20) රාත්‍රී 08.00ට පමණ ස්වයංක්‍රීයව විවෘත වී ඇති බවයි වික්ටෝරියා වෙිල්ලේ කාර්ය භාර ඉංජිනේරු වසන්ත ඇහැලපිටිය පැවසුවේ.
ඔහු වැඩිදුරටත් සඳහන් කළේ එලෙස විවෘත වූ වාන් දොරටු දෙකෙන් මහවැලි ගඟේ පහළ කොටසට විශාල ජල දහරාවක් ගලා යන බැවින්, මහවැලි ගඟේ ජල මට්ටම වැඩි විය හැකි බවයි.
මේ හේතුවෙන් මහවැලි ගංඟ අවට සිටින ජනතාවට අවධානයෙන් පසුවන ලෙසයි මහවැලි අධිකාරිය දැනුම් දෙන්නේ.