ආර්ථිකය ගැන දින හතක විවාදයකට එන්නැයි විපක්ෂ නායක සජිත් ප්‍රේමදාස ප්‍රවාහන හා මහා මහාමාර්ග අමාත්‍ය බන්දුල ගුණවර්ධනට අද (24) පාර්ලිමේන්තුවේදී අභියෝගයක් කර තිබෙනවා.
සිංහල සහ ඉංග්‍රීසි භාෂාවෙන් පමණක් නොව දෙමළ භාෂාවෙන් ද එම විවාදයට තමා සූදානම් බවයි විපක්ෂ නායක සජිත් ප්‍රේමදාස පවසා ඇත්තේ.
තම මව දස මසක් කුසේ තබාගෙන කිරි දුන් සිංහල භාෂාවෙන් දින හතක් නොව පැය තුනක් විවාදයට ප්‍රමාණවත් බව මෙහිදී අමාත්‍ය බන්දුල ගුණවර්ධන පවසා තිබෙනවා.
රාජ්‍ය මූල්‍ය සම්බන්ධයෙන් විපක්ෂ නායකවරයා සමග අදාළ විවාදයට තමා සූදානම් බව අමාත්‍ය බන්දුල ගුණවර්ධන සඳහන් කර තිබෙනවා.