අනුරාධපුරය අවුකන බුද්ධ ප්‍රතිමා වහන්සේට වස්ත්‍රයක් පැළඳවීමේ සිද්ධිය සම්බන්ධයෙන් කඩිනම් විමර්ශනයක් ආරම්භ කරන ලෙස ආගමික හා සංස්කෘතික කටයුතු අමාත්‍ය විදුර වික්‍රමනායක උපදෙස් ලබා දී තිබෙනවා.
අමාත්‍යවරයා විසින් වැඩබලන පුරාවිද්‍යා අධ්‍යක්ෂ ජනරාල්වරියට මෙලෙස උපදෙස් ලබා දී ඇති බවයි වාර්තා වුණේ.
කිසියම් පිරිසක් විසින් අවුකන බුද්ධ ප්‍රතිමා වහන්සේට වස්ත්‍රයක් පැළඳවා ඇති අවස්ථාවක ලබාගත් ඡායාරූපයක් ඊයේ දිනයේදී සමාජ මාධ්‍යයේ සංසරණය වීමත් සමඟයි මේ පිළිබඳව කතාබහක් සමාජය තුළ මතුව ආවේ.