2023 බුකර් ත්‍යාගය ඒකාධිපතිවාදයේ ග්‍රහණයේ සිටින අයර්ලන්තයේ ඩිස්ටෝපියන් දර්ශනයක් වන ප්‍රොපේට් සොන්ග් වෙත පිරිනමා තිබෙනවා.
එය ලියා ඇත්තේ අයර්ලන්තයේ 46 හැවිරිදි පෝල් ලින්ච් විසින්. ඔහු කීර්තිමත් බුකර් ත්‍යාගය දිනාගත් පළමු අවස්ථාව මෙයයි.
ඔවුන් භාවිතා කරන ප්‍රජාතන්ත්‍රවාදී සම්මතයන් අතුරුදහන් වීමට පටන් ගන්නා බිහිසුණු නව ලෝකයක් සමඟ පොරබදමින් සිටින ඩබ්ලින් හි පවුලක කතාව මෙම ග්‍රන්ථයට වස්තු විෂය වී තිබෙනවා.
සිරියානු යුද්ධයෙන් සහ සරණාගත අර්බුදයෙන් ප්‍රොපේට් සොන්ග් ආභාෂය ලැබූ බව ලින්ච් පැවසුවා.
ලන්ඩනයේ ඕල්ඩ් බිලින්ග්ගේට් හි පැවති ත්‍යාග ප්‍රදානෝත්සවයේදී වේදිකාවේ දී සම්මානය ලබා ගැනීමෙන් පසු ලින්ච් පැවසුවේ ‘බුකර්’ නැවත අයර්ලන්තයට රැගෙන යාම ‘අසීමිත සතුටක්’ බවයි.
ලිමරික් හි උපත ලබා දැන් ඩබ්ලින් හි ජීවත් වන කතුවරයා නවකතාව ‘ලියන්නට පහසු පොතක් නොවන’ බව පැවසීය.
මෙම සතිය මුලදී ඩබ්ලින්හි හටගත් කෝලාහල සහ ප්‍රචණ්ඩත්වය ගැන විමසූ විට, ලින්ච් පැවසුවේ සිදු වූ දෙයින් තමා ‘විස්මයට පත් වූ’ බවත් ‘අපි එය අනතුරු ඇඟවීමක් ලෙස දැකිය යුතු’ බවත් ය.
එහෙත් ඔහු “දේශපාලන නවකතාකරුවෙකු” නොවන බවත් ඔහුගේ පොත මාස 18 කට පෙර අවසන් වූ බවත් ඔහු පැවසුවා.
මෙම පොත ලින්ච්ගේ පස්වන පොත වන අතර ඔහු ඒ සඳහා වසර හතරක් ගත කර තිබෙනවා. ඔහු තම පුතා ඉපදීමට පෙර එය ලිවීමට පටන් ගත් අතර, ඔහු අවසන් වන විට, ඔහුගේ පුතාට බයිසිකලයක් පදින්නට හැකිව තිබුණා.