මහියංගනය-දෙහිඅත්තකණ්ඩිය මාර්ගයේ තිබී බිළිඳෙකුගේ මළ සිරුරක් ඊයේ (13) පස්වරුවේ සොයාගත් බව ගිරාඳුරුකෝට්ටේ පොලිසිය පවසයි.
බස් නැවතුම්පොළ අසළ බිළිඳෙකුගේ මළ සිරුරක් ඇති බවට ලද තොරතුරක් මත පොලිසිය එම ස්ථානයට ගොස් මළ සිරුර පරික්ෂා කර තිබෙනවා.
මළ සිරුර අසළ තිබී කළු පැහැති කළු පැහැති ගමන් මල්ලක් ද සොයාගත් බවයි පොලිසිය පවසන්නේ.
මෙම බිළිඳු සිරුර මහියංගනය රෝහලේ මෘත ශරීරාගාරයේ තබා ඇති අතර සිද්ධිය සම්බන්ධයෙන් වැඩිදුර පරීක්ෂණ ක්‍රියාත්මකය.
පොලිසිය සැක කරන්නේ මෙම බිළිඳු සිරුර එක් දිනක් පමණක් වයසැති බිළිඳෙකුගේ වන්නට ඇති බවයි.