වයස අවුරුදු 14 යි මාස 06 ක් වන පාසල් සිසුවියක්ව මව්පිය භාරකාරිත්වයෙන් පැහැර ගෙන ගොස් අපහරණය කළ බව කියන හමුදා සාමාජිකයෙකු ඊයේ (18) අත්අඩංගුවට ගෙන තිබෙනවා.
පොලීසිය පැවසුවේ මෙලෙස අත්අඩංගුවට ගෙන ඇත්තේ කුරුවිට ගැමුණු හේවා බල ඇණියට අනියුක්තව සේවය කරන 18 හැවිරිදි අයෙකු බවයි.
නවගත්තේගම, වෙලේවැව පදිංචිකරුවෙකු විසින් පොලීසියට කර ඇති පැමිණිල්ලකට අනුව සැකකරු අත්අඩංගුවට ගෙන ඇති අතර අපහරණයට ලක්වූ දැරිය වෛද්‍ය පරීක්ෂණයක් සදහා ආණමඩුව දිසා රෝහලට ඇතුළත් කර තිබෙනවා.
සැකකරු අද (19) ආණමඩුව මහේස්ත්‍රාත්වරයා වෙත ඉදිරිපත් කිරීමට නියමිතය.