ඉන්දීය රජය විසින් මෙරටට දුම්රිය එන්ජින් 20 ක් නොමිලේ ලබා දීමට කැමැත්ත පළ කර තිබෙනවා.
එරට දුම්රිය පද්ධතිය විදුලියෙන් ක්‍රියාත්මක කිරීමත් සමඟ භාවිතයෙන් ඉවත් කළ ඩීසල් එන්ජින් 20 ක් මෙලෙස දිවයිනට ලබාදීමට තීරණය කර ඇති බවයි දුම්රිය සාමාන්‍යාධිකාරී එච්.එම්.කේ.ඩබ්ලිව්.බණ්ඩාර පැවසුවේ.
ඒවා මෙරට මාර්ගවල ධාවනය කළ හැකිද යන්න පසුගියදා ඉන්දියාවට ගිය දුම්රිය දෙපාර්තමේන්තුවේ විශේෂඥයින් කණ්ඩායමක් පරීක්ෂා කර ඇති අතර ඒ අනුව දුම්රිය එන්ජින් දෙකක් පෙබරවාරි මාසයේදි මෙරටට ආනයනය කිරීමට සැලසුම් කර තිබෙනවා.