ජනවාරි මස 20 සහ 21 දිනවලදී රට පුරා සරම්ප ප්‍රතිශක්තිකරණ එන්නත් වැඩසටහනක් පැවැත්වීමට නියමිත බව සෞඛ්‍ය අමාත්‍යංශය පවසනවා.
මෙතෙක් එන්නත් ලබානොගත් වයස මාස 9ත් අවුරුදු 15ත් අතර දරුවන් සඳහා මෙම එන්නත්කරණ වැඩසටහන පැවැත්වෙනු ඇති.
සෞඛ්‍ය අමාත්‍යංශය මවුපියන්ගෙන් ඉල්ලා සිටින්නේ සියලුම කාණ්ඩවල දරුවන්ට සෑම දිස්ත්‍රික්කයකම තිබෙන එන්නත්කරණ මධ්‍යස්ථානවලින් එම එන්නත ලබා දීමට කටයුතු කරන ලෙසයි.
පසුගිය දිනවල පැවැත්වුණු සරම්ප ප්‍රතිශක්තිකරණ එන්නත්කරණ වැඩසටහන තවදුරටත් සක්‍රිය මට්ටමට ගෙන ඒම සඳහා එළඹෙන 20 සහ 21 දෙදින තුළදී වයස මාස 9 සහ අවුරුදු 15 වයස් කාණ්ඩයේ දරුවන් සඳහා සරම්ප එන්නත් කිරීමේ වැඩසටහනක් දිවයිනේ සියලුම දිස්ත්‍රික්කවලදී ක්‍රියාත්මක කිරීමට නියමිත බවයි විශේෂඥ වෛද්‍ය එස්.එම්. අර්නල් සඳහන් කළේ.