බෙලිඅත්තේ පංච පුද්ගල ඝාතනය සිදුකිරීමට වෙඩික්කරුවන් පැමිණි ජීප් රථය හමුවී තිබෙනවා.
පොලීසිය පැවසුවේ ගාල්ලේ, විද්‍යාලෝක පිරිවෙනේ රථ ගාලේ තිබීයදී මෙම ජීප් රථය සොයාගත් බවයි.
වෙඩික්කරුවන් පැමිණි ජිප් රථය මේ වනවිට පරිහරණය කරන පුද්ගලයා කවුරුන්ද යන්නද හඳුනා ගැනීමට හැකියාව ලැබී ඇති බවයි වාර්තා වන්නේ.
එමෙන්ම මෙම ප්‍රහාරය සම්බන්ධීකරණය කරන ලද පුද්ගලයාව අත්අඩංගුවට ගැනීමට විශේෂ පොලිස් මෙහෙයුමක් ඊයේ රාත්‍රියේ දියත් කර තිබුණා.
මෙම ප්‍රහාරයට හමුදාවට සම්බන්ධ අයෙක්ද පැමිණ ඇති බව මේ වනවිටත් තහවුරු වී ඇති බවයි පොලිස් ආරංචිමාර්ග සඳහන්.