පාන් ගෙඩියක සහ පාන් භාගයක නියමිත බර සඳහන් කරමින් ගැසට් නිවේදනයක් නිකුත් කර තිබෙනවා.
පාරිභෝගික කටයුතු පිළිබඳ අධිකාරිය විසිනුයි මෙම ගැසට් නිවේදනයක් නිකුත් කර ඇත්තේ.
එම ගැසට් නිවේදනයේ දැක්වෙන්නේ අනුව පාන් ගෙඩියක නියමිත බර ග්‍රෑම් 450ක් විය යුතු අතර ඉඩදිය හැකි ඌනතාව ග්‍රෑම් 13.5ක්.
පාන් භාගයක නියමිත බර ග්‍රෑම් 225ක් විය යුතු අතර ඉඩදිය හැකි ඌනතාව ග්‍රෑම් 09ක් බවයි දක්වා ඇත්තේ.
මේ අතර විකිණීමට ප්‍රදර්ශනය කර ඇති පාන්වල බර පැහැදිලිව පෙනෙන සේ සඳහන් කළ යුතු බවත් එම නිවේදනයේ වැඩිදුරටත් දැක්වෙනවා.
