නෝර්වුඩ් පොලිස් ස්ථානයට අයත් ප්‍රදේශයේ ගසක අත්තක් කඩා වැටීමෙන් බරපතළ තුවාල ලැබූ 14 හැවිරිදි පිරිමි ළමයෙකු මියගොස් තිබෙනවා.
මෙලෙස මියගොස් ඇත්තේ නෝර්වුඩ් දෙමළ විද්‍යාලයේ නව වැනි ශ්‍රේණියේ ඉගෙනුම ලැබූ පිරිමි ළමයෙකි.
පෙරේදා මෙම සිසුවා කොණ්ඩය කැපීම සඳහා ගොස් සිටියදී ගසක අත්තක් කඩා වැටීමෙන් බරපතළ තුවාල ලබා දික්ඔය මූලික රෝහලට ඇතුළත් කර තිබෙනවා.
වැඩිදුර ප්‍රතිකාර සඳහා ඔහු මහනුවර ශික්ෂණ රෝහලට රැගෙන යමින් සිටියදීයි මියගොස් ඇති අතර මෘත ශරීරය නාවලපිටිය රෝහලේ මෘත ශරීරාගාරයේ තබා ඇත.
මොහුගේ මරණ පරීක්ෂණය අද සිදුකිරීමට නියමිතය.