යාපනයේ මාස 14 ක බිළිඳෙක් උණ රෝගය වැළඳී ඊයේ (05) ජීවිතක්ෂයට පත්ව ඇති බව යාපනය ශික්ෂණ රෝහල් ආරංචිමාර්ග පවසනවා.
මෙලෙස ජීවිතක්ෂයට පත්ව ඇත්තේ යාපනය, චාවකච්චේරි, ඉතිඅඩි ප්‍රදේශයේ පදිංචිව සිටි මාස 14 ක් පමණ වන රගුරාම් චන්ද්‍ර නමැති බිළිඳෙක් බවයි අප වාර්තාකරු සඳහන් කළේ.
මෙම බිළිඳා දින දෙකක් පමණ උණ රෝගයෙන් පෙළී ඇති අතර ඒ හේතුවෙන් යාපනය ශික්ෂණ රෝහලට ඇතුළත් කර තිබෙනවා.
රෝහලේ ප්‍රතිකාර ලබමින් සිටියදීයි බිළිඳා මෙලෙස ජීවිතක්ෂයට පත්ව ඇත්තේ.
දේහය සම්බන්ධයෙන් හදිසි මරණ පරීක්ෂණය පවත්වා ඇති අතර ඉන් අනතුරුව දේහය ඥාතීන්ට භාර දී තිබෙනවා.