මෙවර රාමසාන් සමය මාර්තු 12 වැනිදා සිට අප්‍රේල් 11 වැනිදා දක්වා පැවැත්වෙනවා.
ඒ අනුව රාජ්‍ය පරිපාලන අමාත්‍යංශය චක්‍රලේඛයක් නිකුත් කරමින් රාජ්‍ය ආයතන වෙත දැනුම් දී ඇත්තේ රාමසාන් සමයේ දී මුස්ලිම් රාජ්‍ය සේවකයින් සඳහා ආගමික වතාවත්වල යෙදීමට හැකි වන පරිදි වැඩමුර සකස් කර දෙන ලෙසයි.
රාමසාන් අවසන් වීමට දින 14කට පෙර රාජ්‍ය සේවයේ රාජ්‍ය සංස්ථා හා ව්‍යවස්ථාපිත මණ්ඩලවල සුදුසුකම් ඇති මුස්ලිම් නිලධාරීන් සඳහා උත්සව අත්තිකාරම් ලබා දෙන ලෙසත් එම චක්‍රලේඛයේ වැඩිදුරටත් දක්වා තිබෙනවා.
එමෙන්ම නොවැළැක්විය හැකි අවස්ථාවලදී පමණක් විශේෂ නිවාඩු අනුමත කරදෙන ලෙසයි නිකුත් කළ චක්‍රලේඛයේ දැක්වෙන්නේ.