හොරෙන් ගෙන්වූ ජංගම දුරකථන තොගයක් අත්අඩංගුවට

තීරු බදු රහිතව මෙරටට ආනයනය කරන ලද ජංගම දුරකථන සහ උපාංග තොගයක් විශේෂ කාර්ය බලකාය විසින් අත්අඩංගුවට ගෙන තිබෙනවා.

විශේෂ කාර්ය බලකාය ගෝනහේන කඳවුරේ නිලධාරීන්ට ලද තොරතුරකට අනුවයි ඊයේ (07) මෙම වැටලීම සිදු කර ඇත්තේ.

වැල්ලම්පිටිය පොලිස් වසමේ අංක 16/01, විහාර මාවත, කොළොන්නාව ලිපිනයේ සිදු කළ මෙම වැටලීමෙන් තීරුබදු නොගෙවා නීතිවිරෝධී ලෙස මෙරටට ගෙන්වන ලද ජංගම දුරකථන, ජංගම දුරකථන උපංග සහ ඔරලෝසු අත්අඩංගුවට ගෙන තිබෙනවා.

එහිදී අබ්දුල් හමීඩ් මාවත, කොළඹ 12 ප්‍රදේශයේ පදිංචි 31 හැවිරිදි වියේ පසුවන පුද්ගලයෙක් අත්අඩංගුවට ගෙන තිබෙනවා.