කාන්තාවක් ලිංගික අපයෝජනයකට ලක් කළ පොලිස් කොස්තාපල්වරයෙකුට වසර හතක බරපතළ වැඩ සහිත සිර දඬුවමක් නියම කර තිබෙනවා.
ඊට අදාළ නඩුව අද කැඳවූ අවස්ථාවේදී නුවරඑළිය මහේස්ත්‍රාත්වරයා නියෝග කර ඇත්තේ වින්දිත කාන්තාවට රුපියල් ලක්ෂ පහක වන්දියක් ද ගෙවන ලෙසයි.
මෙලෙස සිර දඬුවම් නියම වී ඇත්තේ නුවරඑළිය හයි ෆොරස්ට් පොලිස් ස්ථානයේ සේවය කළ පොලිස් කොස්තාපල්වරයෙකුටයි.
මෙම කොස්තාපල්වරයා විසින් මීට වසර 05කට පෙර 35 හැවිරිදි අවිවාහක කාන්තාවක් ලිංගික අපයෝජනයට ලක් කර තිබුණා.
ඒ සම්බන්ධයෙන් 2019 වසරේදී නුවරඑළිය මහාධිකරණය හමුවේ නඩුවක් ගොනු කරනු ලැබූ අතර ඉදිරිපත් වූ සාක්ෂි මත නුවරඑළිය මහාධිකරණයේදී අදාළ පොලිස් කොස්තාපල්වරයාට එරෙහිව මෙම තීන්දුව ලබාදී තිබෙනවා.
පොලිස් කොස්තාපල්වරයාට ලබා දුන් සිර දඬුවම් තීන්දුවට අමතරව අධිකරණය විසින් රුපියල් විසි දහසක දඩයක් ගෙවන ලෙසත් නියම කර තිබෙනවා.