විසිතුරු භාණ්ඩ සහ තෑගි අයිතම සකස් කිරීම සඳහා මෙරට වලංගු මුදල් නෝට්ටු යොදා නොගන්නා ලෙස ශ්‍රී ලංකා මහ බැංකුව ඉල්ලා සිටිනවා.
නිවේදනයක් නිකුත් කරමින් ඔවුන් සඳහන් කරන්නේ ශ්‍රී ලංකා මහ බැංකුවේ පාලක මණ්ඩලයේ අවසරයකින් තොරව පහත දක්වා ඇති කටයුතු සිදුකරගෙන යෑමෙහි නියැලී සිටින ඕනෑම පුද්ගලයෙකු වරදක් සිදු කරන බවයි.
ඒ අනුව විසිතුරු භාණ්ඩ සහ තෑගි අයිතම සකස් කිරීම සඳහා වලංගු මුදල් නෝට්ටු යොදා ගැනීම, එවැනි ක්‍රියාකාරකම් සමාජ මාධ්‍ය ඔස්සේ ප්‍රවර්ධනය කිරීම ආදිය වැරදි ගණයට අයත් වන බවයි එම නිවේද්නෞඒ දැක්වෙන්නේ.
මෙවැනි ආකාරයේ වරදකට හසුවන ඕනෑම අයෙක් රුපියල් මිලියන 25කට නොවැඩි දඩ මුදලක් හෝ තෙවසරකට නොඅඩු සිර දඬුවමකට යටත් කිරීමේ හැකියාව පවතිනවා.
