ජනාධිපති රනිල් වික්‍රමසිංහ විසින් ඉරාන ජනාධිපති ඊබ්‍රහිම් රයිසි සහ එරට විදේශ අමාත්‍ය අමීර් අබ්දුල්ලාහිගේ හදිසි අභාවය සම්බන්ධයෙන් ශෝකය පළ කර තිබෙනවා.
සිය නිල එක්ස් ගිණුමෙහි විශේෂ සටහනක් තබමින් ජනාධිපතිවරයා පවසා ඇත්තේ මෙම ඛේදනීය මරණය පිළිබඳව ශ්‍රී ලංකාව දැඩි කම්පනයට සහ ශෝකයට පත් වී ඇති බවයි.
මේ වනවිට ශෝකයට පත්ව සිටින පවුල්වලට, ඉරාන රජයට සහ ඉරාන ජනතාවට තම බලවත් සංවේගය සහ අවංක ශෝකය ප්‍රකාශ කරන බව ජනාධිපතිවරයා එමගින් දක්වා තිබෙනවා.
ඉරාන ජනාධිපති ඊබ්‍රහිම් රයිසි සහ එරට විදේශ අමාත්‍ය අමීර් අබ්දුල්ලාහි ඊයේ (19) සිදු වූ දරුණු හෙලිකොප්ටර් අනතුරකින් ජීවිතක්ෂයට පත්ව ඇති බව විදෙස් මාධ්‍ය තහවුරු කරනු ලැබුවා.
