නුවරඑළිය පොලිස් වසමේ බොරලන්ද ප්‍රදේශයේ තිබී මීට දින කිහිපයකට පෙර උපත ලැබූ බිළිඳෙකුගේ මළ සිරුරක් සොයාගෙන තිබෙනවා.
නුවරඑළිය පොලිස් ස්ථානයට ලද තොරතුරක් මතයි මෙම මළ සිරුර සොයාගෙන ඇත්තේ.
කෙසේනමුත් ප්‍රදේශවාසීන් පවසන්නේ බිළිඳාගේ සිරුර තවමත් හඳුනාගෙන නොමැති අතර නරක් වී බවයි.
පශ්චාත් මරණ පරීක්ෂණය සඳහා බිළිඳු මළ සිරුර නුවරඑළිය දිස්ත්‍රික් මහ රෝහලේ තබා ඇති බවයි පොලීසිය පවසන්නේ.
නුවරඑළිය දිස්ත්‍රික් මහ රෝහලේ සහ ප්‍රදේශයේ දිස්ත්‍රික් හෙද නිලධාරීන්ගේ එක්ව මෙලෙස මියගිය බිළිඳාගේ මව සොයා මෙහෙයුම් ආරම්භ කර තිබෙනවා.
සිද්ධිය සම්බන්ධයෙන් නුවරඑළිය පොලිසිය වැඩිදුර පරීක්ෂණ පවත්වනු ලබනවා.