හැටන් ප්‍රදේශයේ ඇගළුම් කර්මාන්ත සේවකයින් ප්‍රවාහනය කළ බස් රථයකට මාර්ගයේ ගමන් කරමින් සිටි පදිකයෙකු යට වී තිබෙනවා.
ඉන් බරපතල තුවාල ලැබූ පදිකයා දික්ඔය මූලික රෝහල වෙත (05) දින ඇතුලත් කර ඇති බවයි හැටන් පොලීසිය පැවසුවේ.
කොටගල සිට හැටන් ප්‍රදේශයේ පිහිටි ඇගළුම් කර්මාන්ත ශාලාවක සේවකයින් ප්‍රවාහනය කළ බස් රථයක් හැටන්, ඩන්බාර් වීදියට හරවන අවස්ථාවේදී මාර්ගය හරහා මාරු වෙමින් සිටි පදිකයෙකුගේ පාදය බස් රථයේ පසුපස රෝදයට හසු වී බරපතල ලෙස තුවාල ලබා තිබෙනවා.
පොලීසිය පැවසුවේ බස්රථ රියදුරාගේ අපරික්ෂාකාරී රිය ධාවනය මෙම අනතුරට හේතු වී ඇති බවයි.
අනතුර සම්බන්ධයෙන් බස් රථ රියදුරා අත්අඩංගුවට ගෙන තිබෙනවා.