ජූලි මස 15 වැනිදා විදුලි ගාස්තු සංශෝධනය සම්බන්ධයෙන් අවසාන තීරණය ප්‍රකාශයට පත්කිරීමට නියමිතයි.
මහජන උපයෝගිතා කොමිෂන් සභාව පවසන්නේ 2024 වසර සඳහා යෝජිත විදුලි ගාස්තු සංශෝධනය සම්බන්ධයෙන් වාචික අදහස් දැක්වීම අද සිදු කරන බවයි.
ඒ අනුව අද (09) පෙරවරු 9 සිට පස්වරු 4.30 දක්වා බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී මෙම අදහස් භාර ගන්නා බව වාර්තා වනවා.
යෝජිත විදුලි ගාස්තු සංශෝධනය සම්බන්ධයෙන් අදහස් ඉදිරිපත් කිරීම සඳහා විවිධ විදුලි පාරිභෝගික කණ්ඩායම්, කර්මාන්ත සහ සංවිධාන නියෝජනය කරමින් පුද්ගලයින් 50 දෙනෙකු ලියාපදිංචි වී තිබෙනවා.