චීනයේ වාණිජ ගොඩනැගිල්ලක හටගත් ගින්නකින් 16 දෙනෙක් ජීවිතක්ෂයට පත්ව තිබෙනවා.
නිරිතදිග චීනයේ සිචුවාන් ප්‍රාන්තයේ වාණිජ ගොඩනැගිල්ලක මෙම ගින්න හටගෙන ඇති බවයි විදෙස් මාධ්‍ය වාර්තා කරන්නේ.
සිගොං නගරයේ තට්ටු 14කින් යුත් ගොඩනැගිල්ලක මෙම ගින්න හටගෙන ඇති අතර ගොඩනැගිල්ලේ වහලය මතට නැගී එහි සිටි මිනිසුන් උදව් ඉල්ලා කෑ ගසන ආකාරය දැක්වෙන වීඩියෝවක් මේ වනවිට සමාජ මාධ්‍ය හරහා සංසරණය වනවා.
දැඩි පරිශ්‍රමයකින් පැය 02කට පසුව ගින්න නිවා දමා තිබෙනවා.
කෙසේවෙතත් විදෙස් මාධ්‍ය වාර්තා කරන්නේ එහි බලපෑම මේ වනවිටත් පහව නොගොස් ඇති බවයි.