ශ්‍රී ලංකාව නියෝජනය කරමින් අරුණ දර්ශන ඊයේ (06) පස්වරුවේ පැරිස් ඔලිම්පික් උළෙලේදී මීටර් 400 තරග ඉසව්වේ අවසන් පූර්ව වටයට තරග වැදුණා.
එහෙත් අරුණට අවසන් පූර්ව වටයේ දෙවැනි තරගයේ දී හිමි කරගත හැකි වූයේ 05 වැනි ස්ථානයයි.
මෙම තරග වටය නිමා කිරීමට අරුණට තත්ත්පර 44.75ක් ගත වුණා.
කෙසේනමුත් ඔලිම්පික් මීටර් 400 අවසන් පූර්ව වටයේ තරගයෙන් ශ්‍රී ලංකාව නියෝජනය කළ අරුණ දර්ශන සුදුසුකම් නොලත් ක්‍රීඩකයෙකු බවට විනිසුරු මඬුල්ල තීරණය කර තිබෙනවා.
අරුණ සිය ධාවන මංතීරුවෙන් පිටත TR17.2.3 මංතීරු උල්ලංඝනය කිරීමේ චෝදනාවටයි ලක්ව ඇති අතර ඒ අනුව අරුණ දැක්වූ 44.75 දක්ෂතාව මින් ඉදිරියට වලංගු නොවනු ඇති.