ස්වීඩනයේ පැවති ලෝක ප්‍රවීණයන්ගේ මළල ක්‍රීඩා තරගාවලියේදී දුර පැනීමේ ඉසව්වෙන් රිදී පදක්කමක් දිනා ගත් සචිත්‍රා ජයකාන්ත අද (28) අලුයම කටුනායක ගුවන්තොටුපොළ වෙත පැමිණියා.
මෙම මළල ක්‍රීඩා තරගාවලිය ලෝකයේ රටවල් 119 ක ක්‍රීඩක ක්‍රීඩිකාවන් 8,250 ක ගේ සහභාගීත්වයෙන් පසුගිය 13 වැනිදා සිට 25 වැනිදා දක්වා ස්වීඩනයේ ස්ටොක්හෝම් නුවර දී පැවැත්වුණා.
ඇය ශ්‍රී ලංකා පොලිස් ක්‍රීඩා සමාජයේ නායිකාව ලෙස කටයුතු කරන අතර මෙම මළල ක්‍රීඩා තරගාවලියේ දී මීටර් 05.24 ක ප්‍රමාණයක් දුර පනිමින් ඇය මෙම රිදී පදක්කම දිනා ගනු ලැබුවා.
සචිත්‍රා ජයකාන්ත අද අලුයම 04.10 ට ඉන්දියාවේ චෙන්නායි නුවර සිට ශ්‍රී ලන්කන් ගුවන් සේවයේ යූ.එල්.- 126 දරන ගුවන් යානයෙන් කටුනායක ගුවන් තොටුපොළ වෙත පැමිණියා.