ඩුබායි රාජ්‍යයේදී අත්අඩංගුවට ගත් මිනීමැරුම්, කප්පම් ගැනීම් සහ මත්ද්‍රව්‍ය ජාවාරම් පිළිබඳ වරෙන්තු ලබා සිටි සංවිධානාත්මක අපරාධ කල්ලි සාමාජිකයෙකු වන විතානගේ දොන් ගීත්මාල් බිනෝයි දිල්ෂාන් අපරාධ පරීක්ෂණ දෙපාර්තමේන්තු විශේෂ නිලධාරීන් විසින් අද (29) අලුයම දිවයිනට රැගෙනවිත් තිබෙනවා.
33 හැවිරිදි වියේ පසුවන මොහු පසුගියදා ඩුබායි රාජ්‍යයේදී අත්අඩංගුවට ගත් අතර අද 05.05 ට ඩුබායි සිට ශ්‍රී ලන්කන් ගුවන් සේවයේ යූ.එල්.- 226 දරන ගුවන් යානයෙන් කටුනායක ගුවන්තොටුපොළ වෙත රැගෙනවිත් තිබුණා.
මොහු ‘මතුගම ශාන්’ නැමැති සංවිධානාත්මක අපරාධ කල්ලි නායකයාගේ ප්‍රධානතම ගෝලයා බවයි අනාවරණය වී ඇත්තේ.
මෙලෙස දිවයිනට රැගෙන ආ අපරාධ කල්ලි සාමාජිකයා වැඩිදුර විමර්ශන කටයුතු සඳහා මතුගම පොලිසිය වෙත භාර දී තිබෙනවා.
