යාපනය, ඌර්කාවතුරේ පොලිස් වසමට අයත් අල්ලෙයිපිඩ්ඩි ප්‍රදේශයේ තිබී කැපුම් තුවාල සහිත මෘත දේහයක් හමු වී තිබෙනවා.
ඌර්කාවතුරේ පොලිසිය සඳහන් කළේ මෙලෙස ජීවිතක්ෂයට පත්ව ඇත්තේ අල්ලෙයිපිඩ්ඩි 03 ප්‍රදේශයේ පදිංචි වයස අවුරුදු 43 ක් පමණ වන ගජේන්ද්‍රන් නමැති අයෙකු බවයි.
අදාළ ප්‍රදේශයේ අලුතින් ඉදිකරනු ලබන ගොඩනැගිල්ලක් අසළදී මෙම මෘත දේහය හමුව ඇති අතර සිරුරේ පවතින කැපුම් තුවාල හේතුවෙන් එය ඝාතනයක් බවටයි පොලිසිය සැක පළ කරන්නේ.
ඒ අනුව මෘත දේහය පශ්චාත් මරණ පරීක්ෂණය සඳහා යාපනය ශික්ෂණ රෝහලට යොමු කොට ඇති අතර ඌර්කාවතුරේ පොලිසිය සිද්ධිය සම්බන්ධයෙන් වැඩිදුර පරීක්ෂණ පවත්වනු ලබනවා.