වවුනියාව ප්‍රදේශයේදී දුම්රියේ ගැටී කාන්තාවක් ජීවිතක්ෂයට පත්ව තිබෙනවා.
ඕමන්ත පොලිසිය පැවසුවේ ඊයේ (10) යාපනය සිට වවුනියාව දෙසට ධාවනය වූ දුම්රියේ ගැටී මෙම කාන්තාව ජීවිතක්ෂයට පත්ව ඇති බවයි.
පුලියන්කුලම හා ඕමන්ත අතර ප්‍රදේශයේදී අදාළ කාන්තාව දුම්රිය මාර්ගයේ ගමන් කරමින් සිටියදී මෙලෙස දුම්රියේ ගැටී තිබෙනවා.
දුම්රියේ ගැටුණු කාන්තාව එම ස්ථානයේදීම ජීවිතක්ෂයට පත්ව ඇති අතර ඇයගේ අනන්‍යතාව මෙතෙක් තහවුරු කර නැහැ.
කෙසේනමුත් පොලීසිය සැක පළ කරන්නේ අදාළ කාන්තාව වයස අවුරුදු 35- 45 ත් අතර පසු වූ අයෙක් බවයි.
අනතුර සම්බන්ධයෙන් ඕමන්ත පොලිසිය වැඩිදුර පරීක්ෂණ පවත්වනු ලබනවා.