හෙරොයින් මත්කුඩු ජාවාරම හරහා උපයාගත් රුපියල් කෝටි ගණනක දේපළ සම්බන්ධයෙන් මුදල් විශුද්ධිකරණය වැළැක්වීමේ පනත යටතේ ගොනුකර තිබූ චෝදනා වලට වැරදිකරු වූ, මත්ද්‍රව්‍ය ජාවාරම්කරුවෙකු ලෙස හැඳින්වෙන ගම්පොළ විදානලාගේ සමන්ත කුමාර හෙවත් වෙලේසුදා, ඔහුගේ බිරිඳ සහ තවත් කාන්තාවකට කොළඹ මහාධිකරණය විසින් බරපතළ වැඩ සහිතව වසර 8 බැගින් සිරදඬුවම් නියම කළේය.
එම සිරදඬුවමට අමතරව විත්තිකරුවන්ට දඩ මුදල් නියම කර ඇති අතර, නීති විරෝධී ලෙස උපයාගත් දේපළ, මුදල්, හා රන් භාණ්ඩ රාජසන්තක කිරීමටත් නියෝග කළාය.
කොළඹ මහාධිකරණ විනිසුරු ආදිත්‍ය පටබැදිගේ මහතා විසින්, දීර්ඝ නඩු විභාගයකින් අනතුරුව මෙම තීන්දුව ලබා දෙන ලදී.