හිටපු පාර්ලිමේන්තු මන්ත්‍රී ශාන්ත අබේසේකර සහ ඔහුගේ පුත්‍රයා නීතිවිරෝධී වත්කම් විමර්ශන කොට්ඨාසය විසින් අත්අඩංගුවට ගෙන තිබේ.
මෙම අත්අඩංගුවට ගැනීම සිදුව ඇත්තේ ඔවුන් දෙදෙනා නීතිවිරෝධී වත්කම් විමර්ශන කොට්ඨාසයේ ජාලගත වංචා විමර්ශන ඒකකය වෙත ප්‍රකාශයක් ලබාදීමට පැමිණි අවස්ථාවේදීය.
මෙම නීති විරෝධී ක්‍රියාව වන්නේ සුඛෝපභෝගී මෝටර් රථයක් නීති විරෝධී ලෙස එකලස් කර එහි කොටස් වෙන් කර සඟවා තැබීමයි. මීට අදාළ කොටස් කිහිපයක් නීතිවිරෝධී වත්කම් විමර්ශන ඒකකය විසින් පසුගිය 06 වැනි දින අලුයම සොයාගෙන ඇත.
සැකකරුවන් දෙදෙනා හෙට දින (19) මහර මහෙස්ත්‍රාත් අධිකරණය හමුවේ පෙනී සිටීමට නියමිතය.