පළාත් පාලන ආයතනවල සභිකයින්ගේ නව ධුර කාලය සම්බන්ධයෙන් අති විශේෂ ගැසට්ටුවක් නිකුත් කර ඇත. ඒ අනුව මහා නගර සභා 27ක, නගර සභා 36ක සහ ප්‍රාදේශීය සභා 274ක සභිකයින්ගේ ධුර කාලය 2025 ජුනි 02 වන දින සිට ක්‍රියාත්මක වන බව දන්වා තිබේ.
මෙම නියමය කර ඇත්තේ මහා නගර සභා ආඥාපනතේ (252 වන අධිකාරය) 10 වන වගන්තියේ (1) වන උපවගන්තියේ (ආ) ඡේදය යටතේ ලැබී ඇති බලතල අනුව රාජ්‍ය පරිපාලන, පළාත් සභා සහ පළාත් පාලන අමාත්‍ය ඒ. එච්. එම්. එච්. අබයරත්න මහතා විසිනි.