ආර්ථික ස්ථාවරත්වය සහ දිගුකාලීන වර්ධනය තහවුරු කර ගැනීම සඳහා ශ්‍රී ලංකාවේ ව්‍යුහාත්මක ප්‍රතිසංස්කරණ කඩිනම් කිරීම අත්‍යාවශ්‍ය බව ලෝක බැංකුව අවධාරණය කර තිබේ.
ලෝක බැංකුවේ ශ්‍රී ලංකාව සඳහා වන ජ්‍යෙෂ්ඨ දේශීය ආර්ථික විද්‍යාඥ Richard Walker සඳහන් කළේ රජය විසින් ආරම්භ කර ඇති ප්‍රතිසංස්කරණ ක්‍රියාවලියට නව ජවයක් ලබා දිය යුතු බවයි.
රේගු පරිපාලනය වැඩිදියුණු කිරීම, අමතර තීරුබදු ප්‍රතිසංස්කරණය සහ ආයෝජන නීති රාමුව නවීකරණය ඔහු විශේෂයෙන්ම අවධාරණය කර තිබේ.