ජනාධිපති රනිල් වික්රමසිංහ මහතාගේ උපදෙස් පරිදි මෙරට තුළ ස්ත්රී පුරුෂ සමාජභාවය මත පදනම් වූ හිංසනය වැළැක්වීම සදහා ඉතා වැදගත් වන පනත් 03ක් ගෙන ඒමට කටයුතු සූදානම් කර තිබෙන බව කාන්තා, ළමා කටයුතු හා සමාජ සවිබලගැන්වීමේ රාජ්ය අමාත්ය ගීතා කුමාරසිංහ මහත්මිය පැවසුවාය.
එසේම කාන්තාවගේ සමාජ සුරක්ෂිතතාව වෙනුවෙන් විශේෂ අවධානයක් යොමු කර ඇති රජය ඒ වෙනුවෙන් දිස්ත්රික් 10 ක් ආවරණය වන පරිදි කාන්තා රැකවරණ මධ්යස්ථාන ඉදි කිරීමට සැළසුම් කර ඇති බව ද රාජ්ය අමාත්යවරිය සදහන් කළාය.
කාන්තා, ළමා කටයුතු හා සමාජ සවිබලගැන්වීමේ රාජ්ය අමාත්ය ගීතා කුමාරසිංහ මහත්මිය මේ බව සඳහන් කර සිටියේ ‘ස්ථාවර රටකට සැවොම එක මඟකට’ මැයෙන් අද (10) ජනාධිපති මාධ්ය කේන්ද්රයේ පැවති ප්රවෘත්ති සාකච්ඡාවට එක්වෙමිනි.