මොළ හතේ මුදල් ඇමති ඉතිහාසයේ අසාර්ථකම මුදල් ඇමතිවරයා ලෙස ඉතිහාසගත වීමට නියමිත බව එක්සත් ජාතික පක්ෂ නියෝජ්‍ය නායක රුවන් විජයවර්ධන පැවසීය.
ඔහු මේ බව ප්‍රකාශ කළේ ඊයේ (06) පැවති මාධ්‍ය හමුවකට එක්වෙමිනි.
ලෝකයේ අනෙකුත් රටවල් අර්බුදයට මුහුණ දෙන්නේ කෙසේදැයි සැලසුම් සකස් කරමින් සිටින නමුත් ලංකාවේ ආණ්ඩුව එවැනි කිසිම අර්බුදයකට සූදානම් නැති බව හෙතෙම එහිදී ප්‍රකාශ කළේය.
ආණ්ඩුව කටයුතු කරන්නේ අර්බුදයක් ඇති නොවෙන ගානට නමුත් ලංකාව මේ වන විට බංකොලොත් වෙමින් යන රටක් බවට ලෝක ආර්ථික දර්ශක පෙන්වා දී තිබෙන බව ඔහු අවධාරණය කළේය.