ජනාධිපතිවරයා සහ ශ්‍රී ලංකා නිදහස් පක්ෂයේ පාර්ලිමේන්තු කණ්ඩායම අතර ඊයේ (05) පැවති සාකච්ජාවේදී ජනාධිපතිවරයා විසින් කර තිබෙන ඉල්ලීම ප්‍රතික්ෂේප කිරීමට ශ්‍රී ලංකා නිදහස් පක්ෂය තීරණය කර තිබේ.
එහිදී ජනාධිපතිවරයා විසින් ශ්‍රී ලංකා නිදහස් පක්ෂය කැබිනට් මණ්ඩලයේ සිටිය යුතු බැවින් නැවත ඇමතිකම් භාරගන්නා ලෙස ඉල්ලීමක් කර ඇති අතර ශ්‍රී ලංකා නිදහස් පක්ෂය තම තීරණයේ කිසිඳු වෙනසක් නොවන බව ජනාධිපතිවරයාට දන්වා තිබේ.
20 වැනි ආණ්ඩුක්‍රම ව්‍යවස්ථා සංශෝධනය, විධායක ජනාධිපති ක්‍රමය අහෝසි කිරීමට ගෙන එනු ලබන ඕනෑම වැඩපිළිවෙලක් සඳහා පාර්ලිමේන්තුවේදී ශ්‍රිලනිප්ය සහය දක්වන බවද ඔවුන් එහිදී ප්‍රකාශ කර ඇත.