වත්මන් ආණ්ඩුවට එරෙහිව ගෙන එනු ලබන විශ්වාසභංග යෝජනාවට පක්ෂව ඡන්දය ප්‍රකාශ කිරීමට ලංකා කම්කරු කොංග්‍රසය තීරණය කර ඇති බව හිටපු රාජ්‍ය අමාත්‍ය ජීවන් තොණ්ඩමන් පවසයි.
හිටපු රාජ්‍ය අමාත්‍ය ජීවන් තොණ්ඩමන් ට්විටර් සටහනක් තබමින් ප්‍රකාශ කළේ ලංකා කම්කරු කොංග්‍රසය දීර්ඝ වශයෙන් සාකච්ඡා කර වත්මන් රජයට එරෙහිව ඡන්දය ප්‍රකාශ කිරීමට සාමූහිකව තීරණයක් ගෙන ඇති බවයි.
සිය පක්ෂය විසින් ගනු ලැබූ එම තීරණය ආණ්ඩු පක්ෂයේ, විපක්ෂයේ සහ ස්වාධීන පක්ෂ නායකයින්ට දන්වා ඇති බව ඔහු වැඩිදුරටත් අවධාරණය කළේය.