අග්‍රාමාත්‍ය මහින්ද රාජපක්ෂ අද (09) විශේෂ ප්‍රකාශයක් සිදුකරමින් සිය ධුරයෙන් ඉවත්වීමට නියමිත බව දේශපාලන ආරංචිමාර්ග වාර්තා කරයි.
මෙම ඉවත්වීමත් සමඟ නව අග්‍රාමාත්‍යවරයා ලෙස පත් කළ යුතු විවිධ පාර්ශව විවිධ නම් මේ වනවිටත් යෝජනා කර තිබේ. නිමල් සිරිපාල ද සිල්වා, රමේෂ් පතිරණ, සුසිල් ප්‍රේමජයන්ත්, අනුර ප්‍රියදර්ශන යාපා යන අයවලුන්ගේ නම් නව අග්‍රාමාත්‍යවරයා ලෙස පත් කළ යුතු බව යෝජනා වී තිබේ.
මේ අතර අන්තර්වාර ආණ්ඩුව සඳහා විසි දෙනෙකුට නොවැඩි අමාත්‍ය මණ්ඩලයක් පත් කළ යුතු බවටද යෝජනා වී තිබේ. අග්‍රාමාත්‍යවරයාට සිය ධුරයෙන් ඉවත් නොවන ලෙසට ඉල්ලා සිටීම ආඳහා අද දිනයේ පළාත් පාලන නියෝජිතයින් පිරිසක් අරලියගහ මන්දිරයේදී අග්‍රාමාත්‍ය මහින්ද රාජපක්ෂ හමුවීමට නියමිතය.
අග්‍රාමාත්‍ය මහින්ද රාජපක්ෂ අද දිනයේ ඉවත් නොවන්නේ නම් අමාත්‍යවරුන් සිව් දෙනෙකු ඉල්ලා අස්වීමට සූදානම් බවත් වාර්තා වෙයි. එලෙස ඉවත්වන මන්ත්‍රීවරුන් ලෙස දේශපාලන ආරංචිමාර්ග පවසන්නේ ප්‍රසන්න රණතුංග, රමේෂ් පතිරණ, ජනාධිපති නීතිඥ අලි සබ්රි සහ නාලක ගොඩහේවා යන අයයි.