ප්‍රචණ්ඩත්වය සහ වෛරය පැතිරවීමට සම්බන්ධ වූ සියලු දෙනා නීතිය ඉදිරියට ගෙන ආ යුතු බව හිටපු අමාත්‍ය නාමල් රාජපක්ෂ පවසයි.
රාජ්‍ය හා පෞද්ගලික දේපළවලට හානි කළ සියලු දෙනාට එරෙහිව නිතිය ක්‍රියාත්මක කළ යුතු බවත් ශ්‍රී ලංකාව ඉදිරියට යාමට නීතිය හා සාමය ක්‍රියාත්මක විය යුතු බවත් ඔහු සිය ට්විටර් සටහනෙන් දක්වා තිබේ.
පසුගිය 09 වැනිදා සිදු වූ අවාසනාවන්ත සිදුවීම් සම්බන්ධයෙන් සිදුකරන ඕනෑම පරීක්ෂණයක් සඳහා තමා පෞද්ගලිකව පූර්ණ සහයෝගය ලබා දෙන බවත් තමාට හෝ තම පියාට රටින් යන්නට අදහසක් නොමැති අතර එමනිසා දිගටම මෙහි රැඳී සිටින බවත් නාමල් රාජපක්ෂ පැවසීය.
ඔහු මේ බව ප්‍රකාශ කළේ ට්විටර් පණිවුඩයක් නිකුත් කරමිනි.
