අමාත්‍ය ධුර ලබා ගන්නා ශ්‍රී ලංකා නිදහස් පක්ෂයේ මන්ත්‍රිවරු පක්ෂයේ දරන සියලු තනතුරුවලින් ඉවත් කරන බව හිටපු ජනාධිපති මෛත්‍රීපාල සිරිසේන පැවසීය.
මෛත්‍රීපාල සිරිසේන මහතාගේ අත්සනින් නිකුත් කළ නිවේදනයක දැක්වෙන්නේ සිය පක්ෂයේ අවසන් මධ්‍යම කාරක සභාවේදී, පාර්ලිමේන්තුව තුළ විපක්ෂයේ සිටිමින් රජය මහජනතාව වෙනුවෙන් ගනු ලබන යහපත් තීරණ සඳහා පමණක් පක්ෂයක් ලෙස සහය දැක්වීමට තීරණය කළ බවයි.
එම තීරණයට පටහැනිව අමාත්‍ය ධුර ලබා ගන්නා මන්ත්‍රිවරුන් පක්ෂයේ සියළු තනතුරුවලින් ඉවත් කරන බව එම නිවේදනයෙන් වැඩිදුරටත් අවධාරණය කර තිබේ.
